Tenori Plàcido Domingo, një nga legjendat e operës, u kërkoi sot falje viktimave të abuzimit të tij seksual dhe mori “gjithë përgjegjësinë” në episodet për të cilat ai akuzohet.

Deri në dhjetorin e kaluar, këngëtari i njohur kishte mohuar çdo akuzë, duke thënë se pretendimet për abuzim ishin trillime, “ishin aq të pakonceptueshme sa edhe të pamundura”.

Avokatët e tij duhet ta kenë këshilluar atë që të ndryshojë strategjinë e tij edhe në dritën e gjyqit në Nju Jork të gjyqit kundër producentit kinematografik Harvey Weinstein, i pari “i paprekshëm” në botën e argëtimit që përfundon nën akuzën për abuzim seksual.

Tenori spanjoll tha se ai “ka kaluar kohë muajt e fundit” duke analizuar akuzat, dhe se ai është “rritur me këtë përvojë”.

Domingo thotë se ai është “i angazhuar të ndërmarrë një ndryshim pozitiv” në sektorin e operës, në mënyrë që “askush të mos ketë përsipër të njëjtat përvoja si e tija”.

Nëntorin e kaluar, toni i deklaratave të Domingo ishte shumë i ndryshëm: “Shumë të cilët më njohin – tha ai – e dinë që unë kurrë nuk kam vepruar në mënyrë ngacmuese, agresive dhe vulgare ndaj grave”.

dardania.com

Flash Lajme

Më të lexuarat