Dy ish-republikat jugosllave, Kroacia dhe Sllovenia, i janë bashkuar një projekti të ri që synon mbrojtjen e popullatës së rrezikuar të breshkave të ujit në Europë.

Ata janë midis gjashtë vendeve, duke përfshirë Qipron, Maltën, Italinë dhe Greqinë, që i janë bashkuar projektit “Life Euro Turtles”.

Projekti synon të mbrojë dhe të rrisë ndërgjegjësimin për vendet ku breshkat e ujit jetojnë në faza të ndryshme të jetës dhe të përmirësojnë lidhjet midis vendeve në ruajtjes së breshkave.

Gjatë gjithë jetës së tyre, breshkat e ujit fillimisht frekuentojnë ujërat e hapura dhe pastaj kanë tendencë të frekuentojnë ujëra më të cekëta, kur mund të ushqehen me pre të tjera.

Drasko Holcer, nga organizata partnere e Kroacisë, Instituti “Blue World” i Hulumtimeve dhe Ruajtjes së Botës Ujore, tha për BIRN se mbrojtja e integruar europiane është e rëndësishme pasi breshkat e ujit kanë nevojë për mbrojtje si në vendet ku ngrenë foletë e tyre ashtu edhe në vendet ku ato rriten, ushqehen dhe dimërojnë.

o.p./dita

Flash Lajme

Më të lexuarat

  • Week

  • Month

  • All