Pas ditësh të tëra me temperatura shumë të larta, Italia prej tre ditësh është përfshirë nga stuhi të fuqishme me shi dhe breshër, të cilat kanë rënë në të gjithë veriun.

Në disa zona breshëri ka arritur në një diametër prej 4 cm.

Krahina e Lombardisë u godit nga një valë shirash të rrëmbyeshëm që ka shkaktuar rrëshqitje toke, përmbytje, dëmtimet në të mbjella, rrugë të bllokuara dhe mbi të gjitha ka çuar në vendimin për të evakuuar mijëra njerëz.

Një plan evakuimi është përgatitur për rreth 800 banorë në komuna të ndryshme në zonën e Valsassina. Frika mbizotëron në Dervio ku vetëm në mbrëmje janë evakuar 600 persona. Në disa zona mbrojtja civile ka shpallur gjendjen e jashtëzakonshme.

Zonat më te prekura nga reshjet dhe përmbytjet janë Piemonte dhe Valle d’Aosta, për të vazhduar me një intensitet më të lartë në Lombardi, Friuli-Venezia Giulia, Trentino Alto Adige dhe Veneto.

e.t./dita

Flash Lajme