Duket se shqetësimet nuk kanë të ndalur për familjen e portierit të njohur, Iker Casillas, i cili pësoi atak kardiak disa javë më parë dhe u shtrua me urgjencë në spital.

Tani, bashkëshortja e tij po përballet me një sëmundje të rëndë, kancer në vezore.

Vetë Sara Carbonero, bashkëshortja e Casillas, përmes një postimi në rrjetet sociale, u shpreh :“Ende nuk e kemi marrë veten nga një goditje dhe jeta na surprizon sërish”.

Sara ndau me ndjekësit e saj lajmin, duke shpjeguar se gjatë një kontrolli rutinë disa ditë më parë, mjekët e diagnostikuan një tumor malinj.

“Fatmirësisht mundëm ta kapnim në kohë por më presin disa muaj luftë, duke marrë mjekimin përkatës. Unë jam e qetë dhe e sigurtë se gjithçka do të shkojë mirë. E di që do të jetë një rrugë e vështirë por gjithashtu do të ketë një fund të lumtur”.

Tashmë është radha e Casillas t’i qëndrojë pranë bashkëshortes në këtë përiudhë të vështirë për të dy.

j.l./ dita

Flash Lajme