Jo vetëm burra, por ka edhe gra që kanë ndryshuar botën. Mjeke, astronaute, avokate etj, dardania.com ju sjell pesë gra që ndryshuan botën, dhe njihen sot si superheroina.

SUSAN B. ANTHONY

Avokate e famshme për të drejtat e grave. Në vitin 1872, për të ndaluar diskriminimin gjinor, u përpoq për të drejtën e votës për zgjedhjet presidenciale. Edhe pse nuk votoi dot, Amendamenti i 19-të në Kushtetutën e SHBA-ve mori emrin e saj: “Susan B. Anthony Amendment.”

Dr. ELIZABETH BLACKWELL

Është femra e parë mjeke, që ka marrë specializim në SHBA. Për të arritur deri aty iu desh të kalonte disa poshtërime, përfshi edhe shkollimin në një institut ku ishte e vetmja femër. Me të motrën, mjeke gjithashtu, ajo hapi në vitin 1856 Infermieristikën për Gra dhe Fëmijë. Më vonë një institut trajnimi për gratë që diplomoheshin si mjeke.

NENE TEREZA

Shqiptarja që njihet si me origjinë nga Maqedonia. Ajo e ka zhvilluar pjesën më të madhe të aktivitetit të saj humanitar në Indi. Ka arritur armëpushimin në Liban për të evakuuar një spital, ka ndihmuar në Etiopi dhe në Armeni. Katolikja dhe humanistja e madhe, është nderuar me çmimin ‘Nobel’ për paqe në vitin 1979.

Dr. MAE JEMISON

Astronautja e parë Afro-Amerikane. Fizikante, që përpara nisjes së punës në NASA, është marrë me aktivitet humanitar, informon dardania.com

MARIE CURIE

Femra e parë me titullin profesore në Universitetin e Sorbonnës në Paris, në vitin 1906. Njeriu i parë në botë që fiton dy çmime ‘Nobel’. I pari ne 1903 për Fizikën, bashkë me të shoqin dhe një bashkëpunëtor të tretë, i dyti për Kiminë në vitin 1911, për punën e saj mbi radioaktivitetin.//dardania.com

  


Flash Lajme