Sipas NatWest, të cilët analizuan të dhënat e 750,000 konsumatorëve anonimë, rreth gjysma e tyre nuk po kursenin para çdo muaj. Financat personale janë nën presion. Martin Lewis, themeluesi i Money Saving Expert: “Ka njerëz në këtë vend të cilët kanë më pak të ardhura se shpenzimet minimale, dhe kjo është kriza e vërtetë,” -tha ai.

Gjithsesi, pjesë e kësaj mund të jetë dhe një problem në sjellje: Anketimi NatWest gjeti se as ata që fitonin më shumë se 90.000 £ nuk kursenin asgjë. Kështu që, nëse keni të ardhura dhe potencial për të kursyer diçka, si mund ta bëni kursimin zakon? Lewis ka disa këshilla.

Fillimisht merruni me borxhet

Nëse keni borxhe të shtrenjta, është më mirë që t’i paguani ato përpara se të kurseni. Nëse nuk keni asgjë tjetër përveç kësteve të shtëpisë, norma e interesit aty do të jetë më e lartë sesa përqindja e kursimeve tuaja, me siguri, kështu që më mirë konsideroni të bëni pagesa ekstra në këstet e shtëpisë, ose tre muaj pagesa faturash për detyrimet e shtëpisë përpara kohe.

Analizoni se çfarë shpenzoni

Uluni me faturat e kartës së kreditit dhe të gjitha faturat dhe kuponët e tjerë përpara. Sigurohuni që nuk po paguani për gjëra që nuk ju duhen. Kini mendjen dhe tek gjërat e vogla, 3£ kafe çdo ditë është 750£ në vit. Hapni një llogari kursimesh dhe sapo të paguheni kaloni direkt aty një pjesë. Kështu mësoni të disiplinoheni.

Shikoni për llogaritë e kursimit me normat më të mira

Bëni kërkime në shumë banka dhe në vende të tjera se ku janë normat më të mira të interesit, me kushtet më të mira. Banka të ndryshme ofrojnë norma të ndryshme dhe me kushte të ndryshme. Bëni sa më shumë pyetje dhe zgjidhni atë që ju përshtatet.

Kthejeni në një mendësi

Nëse mundeni të keni para dhe pas të gjitha shpenzimeve kryesore, atëherë ti keni të kursyera ato para në vend që ti harxhoni për gjëra të vogla që nuk ju duhen, është çështje ndryshimi mendësie. Disa njerëz pëlqejnë sfidat, disa taktikat interesante me skema të caktuara kursimesh. Bëni çdo gjë që mund t’ju fusë në këtë rrugë. Për më të rinjtë, nëse keni rritje rroge, ¼ e saj çojeni direkt në një llogari kursimi, sepse sapo mësohemi të harxhojmë më shumë para, është e vështirë të harxhojmë më pak. Dhe pse në fakt jemi në kohë të vështira për të kursyer sepse normat e interesit janë të ulëta, çdo gjë e cila funksionon për ju për t’ju bërë të kurseni, ja vlen./Burimi: The Guardian. Përshtati për Dritare net, Ada Shehu


Flash Lajme