Shkrimtari austriak, Peter Handke, gjatë homazheve për nder të Kasapit të Ballkanit, Sllobodan Milosheviç

Shoqata e Shkrimtarëve në Shtetet e Bashkuara të Amerikës, PEN America, ka reaguar ndaj vendimit të Akademisë Suedeze për t’i dhënë çmimin Nobel shkrimtarit Peter Handken.

PEM America ka dalë me një komunikatë përmes së cilës kanë kritikuar dhënien e cmimit Nobel për Letërsi, shkrimtarit Peter Handken, i cili ka përkrahur publikisht liderin kriminel serb, Sllobodan Millosheviqin dhe ka qenë shok i Radovan Karagjiqit, e dënuar për masakrën e Sreebrenicës në Bosnje.

Shoqata e Shkrimtarëve të SHBA-së shprehet se ndohen të shokuar nga ky vendim. Ata deklarojnë se e hedhin poshtë vendimin për të vlerësuar për ‘urtësi gjuhësore’ një shkrimtar që ka vënë pikëpyetje të vazhdueshme mbi krimet e dokumentuara të luftës.

Deklarata është shkruar nga autorja dhe presidentja e kësaj shoqate, Jennifer Egan.

Deklarata e plotë e PEN America:

PEN America zakonisht nuk komenton çmimet letrare të institucioneve të tjera. Ne e pranojmë që këto vendime janë subjektive dhe se kriteret nuk janë uniforme. Sidoqoftë, dhënia sot e çmimit Nobel në Letërsi për Peter Handke duhet të jetë një përjashtim.

Jemi të shtangur nga përzgjedhja e një shkrimtari që ka përdorur ndikimin e tij publik për të ofruar përkrahje për autorët e gjenocidit, si ish Presidenti serb Slobodan Milosevic dhe udhëheqësi serb i Bosnjës, Radovan Karadzic.

PEN America është angazhuar që themelimi i saj në vitin 1948 për të luftuar kundër botimit të paramenduar, gënjeshtrës së qëllimshme dhe shtrembërimit të fakteve. Karta jonë më tej na angazhon të punojmë për të “larguar çdo urrejtje dhe për të mbrojtur idealin e një njerëzimi që jeton në paqe dhe barazi.”

Ne e hedhim poshtë vendimin që një shkrimtari i cili ka vënë në pikëpyetje krimet e dokumentuara të luftës, duhet të vlerësohet me çmim për ‘urtësi gjuhësore’. Në këtë kohë kur nacionalizmi, udhëheqja autokratike dhe dezinformimi janë në rritje dhe të përhapura në të gjithë botën, unioni letrar meriton më shumë se kaq. Ne jemi shumë të keqardhur për zgjedhjen zgjedhjen që ka bërë Akademia e çmimit Nobel.

Lexoni edhe…

  • Kur nobelisti Peter Handke shante shqiptarët dhe boshnjakët: Shkoni në ferr…
  • Cakaj: Akt i turpshëm me çmimin “Nobel” në letërsi
  • Washington Post: Handke një mbrojtës famëkeq i Milosheviçit
  • Mehmet Kraja i shkruan Akademisë së Nobelit: Anuloni çmimin
  • Akademia e Shkencave në Kosovë: Çmimi Nobel iu dha një mbështetësi të Millosheviçit

Flash Lajme