Kosova

Kryeministri në detyrë, i Republikës së Kosovës, z.Ramush Haradinaj, ka marrë vendim që 28 nëntori – Dita e Flamurit – të jetë ditë pushimi në Kosovë. Haradinaj, përmes një postimi në Facebook ka thënë se këtë vendim e ka marrë duke u mbështetur në Ligjin për Festat Zyrtare, derisa ka shtuar se ky vendim është i motivuar nga aspekti historik, tradicional dhe politik.

Në një intervistë për Zërin e Amerikës, ish-zyrtari i Departamentit të Shtetit dhe analisti James Hooper, tha se një marrëveshje Kosovë-Serbi ekziston, por vështirësia është te zbatimi i saj. Zoti Hooper, i cili ka përvojë në negociatat diplomatike dhe në çështjet e Ballkanit, i tha kolegut tonë Ilir Ikonomi se nuk mund të arrihet një marrëveshje gjithpërfshirëse mes Kosovës dhe Serbisë pa shkëmbime territoriale.

“Me rastin e përkujtimit të ngjarjeve nga historia e përbashkët e Çekisë dhe Sllovakisë, me ftesë të ambasadës çeke dhe zyrës sllovake në vendin tonë, kënaqësi të merrja sonte pjesë në hapjen e ekspozitës "The Velvet Revolution", që shënon ndarjen e Çekosllovakisë, përmes Revolucionit të Kadifenjtë më 1989, duke rezultuar në krijimin e dy shteteve të pavarura në mënyrë paqësore”, shkruan Haradinaj në Facebook.

Flash Lajme