Gjatë një takimi me fermerët atje, Haradinaj ka inkurajuar këta të fundit që të vazhdojnë të punojnë në këto plantacione.

Për kryeministrin, mbjellja e 15 mijë fidanëve arrë në një zonë kodrinore siç ishte kjo në Kopërnicë, tregon për guxim e përkushtim për punë.


“Është inkurajues fakti që me guxim po ndodhin disa investimeve. Ky është një rast jashtëzakonisht i guximshëm, mbjellja e 15 mijë fidanëve arrë në një kodër të tillë është një guxim i madh... Më vjen mirë që Qeveria e Kosovës, në këtë rast populli i Kosovës, në rastin e fermës ka dhënë një përkrahje, në rastin e këtushëm. Po ashtu, është interes i yni që të vazhdojmë më tutje me i përkrahë fermerët, me i përkrahë investitorët, në këtë rast plantacionet ku jemi këtu. Dhe, një ditë pse jo, edhe për përpunim, me u përpunu produkti këtu”, tha Haradinaj.

Kryetari i komunës së Kamenicës, Qëndron Kastrati, tha se komuna që e udhëheq, ka shumë mundësi për të zhvilluar sektorin e bujqësisë, porse përmendi disa sfida me të cilat po përballen tash e sa kohë.

Megjithatë, ai shtoi se është hap i rëndësishëm kultivimi i arrës në këtë zonë, teksa për këtë falënderoi Qeverinë që siç tha ai, po ndihmon bujqit e Kamenicës.


“Kamenica i ka pasur këto sfida, shpërngulja e popullatës, mungesa e vendeve të punës. Ne si komunë jemi e përshtatshme në aspektin e bujqësisë. Unë i falënderoj investitorët që një prej plantacioneve më të mëdha në Kosovë është duke u bërë. Shpresoj që kjo ide, siç e keni bërë ju, ka me u përcjellë në krejt pjesët e Kosovës”, tha Kastrati.

E fermeri, Rexhep Islami, tha se kanë mbjellë rreth 50 hektarë me arrë, teksa shtoi se problem të tanishëm kanë mungesën e ujit në këtë zonë.

Prurja e ujit në këtë zonë , për Islamin është esenciale, pasi tha se në të ardhmen pretendojnë të hapin edhe një fabrikë për grumbullimin dhe përpunimin e arrave./KosovaPress/



Loading...


2002-2019

Flash Lajme