Taylor Swift ka thënë se performanca e saj në American Music Awards(AMA) është në dyshim sepse asaj i është ndaluar të këndojë këngët e saj.

Në një mesazh për fansat në mediat sociale, këngëtarja tha se menaxherët e muzikës, Scooter Braun dhe Scott Borchetta nuk po e lejonin që ajo të performojë këngë nga albumet e saj të kaluara, të cilat ata i posedojnë të drejtat e tyre.

Ajo tha se një dokumentar Netflix për jetën e saj ishte vënë gjithashtu në rrezik.

Swift bëri akuzat në një deklaratë të postuar në Twitter me titullin: “Nuk di çfarë të bëj tjetër”.

“Tani për tani performanca ime në AMA, dokumentari Netflix dhe çdo ngjarje tjetër e regjistruar që unë po planifikoj të luaj deri në nëntor 2020 janë një pikëpyetje,” shkroi ajo.

Swift akuzoi gjithashtu Braun për përpjekje për të “çmontuar” “trashëgiminë e saj muzikore“. Ndërsa ai nuk iu përgjigj komenteve të saj, ai u mbështet nga Lovato dhe Bieber të cilët Braun i ka poashtu në menaxhim.

Këngëtarja konfirmoi në gusht se ajo planifikoi të ri-regjistronte muzikë nga gjashtë albumin e saj të parë në mënyrë që të mund të zotëronte të drejtat për versionet e reja.

Swift është planifikuar të emërohet ‘Artistja e Dekadës’ në AMA më vonë këtë muaj dhe tha që ajo kishte planifikuar që poashtu të performonte disa prej hiteve të saj.

Por në deklaratën e saj të enjten, ajo tha se të dy burrat e kishin bllokuar atë të performonte këngët e saj të vjetra në televizion, duke pretenduar se kjo do të ri-regjistronte muzikën e saj para se t’i lejohen vitin e ardhshëm.


Flash Lajme