Angela Martini ishte një nga personazhet e njohur që vendosi të jepte ndihmën e saj në këto ditë të vështira për Shqipërinë. Modelja u kujdes të strehonte një familje dhe dhuroi mijëra euro për të prekurit nga tërmeti.

Ditën e sotme Angela ka zbuluar se ka dhënë 30 mijë euro, një kontribut shumë i vlefshëm për të gjithë ata që mbetën pas shtëpi pas tërmetit që goditi vendin. Modelja ka publikuar në ‘Instagram’ foto të faturës që tregon shumën e dhuruar dhe ka treguar se këtë gjë nuk e ka bërë për publicitet.

“Tragjeditë qënkan më të dhimbshme kur flasin gjuhën tënde… dhe e vetmja gjë për të cilën lutem këto ditë është Dashuri, Shpresë dhe Dritë për vendin tim. Ndoshta shumë gjëra koha do të na ndihmojë t’i harrojmë, por e sigurt që nuk do të harrojmë këtë forcë dhe solidaritet që kemi treguar ne si komb dhe të gjithë miqtë tanë për ne në këto ditë dhimbje. Prandaj nëse nuk e ke bërë ende, solidarizohu dhe ti – ndihmo dikë të mos jetë vetëm, duke dhuruar në platformën https://e-albania.al/donate/

Përfundimisht nuk po e postoj këtë kontribut për asnjë nga arsyet që po hamendësoni, nuk do ta bëja kurrë diçka të tillë për publicitet. Po e postoj për të dhënë një shembull dhe për të ftuar të tjerë të veprojnë si unë. Bashkë jemi më të fortë”, ka shkruar Angela në ‘Instagram’.


Flash Lajme