Frankfurti i jep një goditje të rëndë Interit, pasi e ka eliminuar nga Europa League në fazën e 1/8-ve. Skuadra gjermane ka fituar minimalisht 1-0 në “San Siro”, por ka qenë superiore gjatë gjithë ndeshjes.

Në minutën e 5-të, De Vrij bën një gafë të madhe duke i dhënë mundësinë Jovic që të paraqitej përballë portierit Handanovic.

Sulmuesi i talentuar i ekipit gjerman me një goditje të bukur arriti që të nxirrte jashtë loje portierin slloven. Në pjesën e dytë Interi provon që të reagojë, por e ka të vështirë për të krijuar raste për shënim. Në krahun tjetër Frankfurti krijon mundësi të shumta, por Handanovic i mohoi dhe golin e dytë.

Arsenali ka siguruar një bilë për në çerekfinale, pasi ka përmbysur humbjen 3-1 në duelin e parë ndaj Rennes. Skuadra e Unay Emery fitoi 3-0 në “Emirates Stadium” me dy gola të Aubameyang dhe një nga Maitland-Niles. /Rozalb Lika-Koha Jone/

Flash Lajme