Në seancën dëgjimore në Komisionin e Pavarur të Monitorimit të Zbatimit të Ligjit për organet e qeverisjes në sistemin e drejtësisë foli për krijimin e SPAK, kreu i Lartë i Prokurorisë, Gent Ibrahimi, gjatë fjalës tha se institucioni që ai drejton ka miratuar listën me 15 kandidatë për SPAK, ndërsa shtoi sot ky institucion nuk është formuar ende pasi anëtarët duhet më parë të kalojnë procesin e vettingut në formë të prerë.

“KLP ka miratuar listën prej 15 kandidatë për anëtarë te SPAK. Ende sot nuk ka SPAK sepse ende nuk ka përfunduar procesin e vettingut me vendim të formës se prerë. KLP do i duhet të marrë vendim nëse mundet që SPAK të krijohet me më pak se 10 anëtarë, apo ka imponim kushtetues. Na takon ne të themi nëse është e mundur apo jo që SPAK të nisë me 10 anëtarë. Ne marrjen e këtij vendimi do na duhet të marrim parasysh edhe disa elemente praktikë”-tha Ibrahimi.

Ai u ndal edhe tek procesi i zgjedhjes së kryeprokurorit të përgjithshëm. Sipas Ibrahimit, ky proces duhet të jetë i barabartë për të gjithë kandidatët, ndërsa theksoi se në fund zgjedhja e tyre do varet thjesht nga vlerat që përfaqësojnë.

“Kur hapen gara për pozicione të rëndësishme si kryeprokurori, këshilli ka detyrën të vë në kushte të barabarta kandidatët. Rregulloret q ë n ë bëmë, në llogari të fundit të mos kishte asnjë pabarazi mes kandidatëve. Kandidat ët kanë mundësinë t ë tregojnë vlerat e tyre”-shtoi ai./D.L/

Flash Lajme

Më të lexuarat

  • Week

  • Month

  • All