Ideja për të krijuar Shengenin ballkanik, nuk lindi më 31 dhjetor të 2018, kur kryeministri Edi Rama njoftoi se do të njehsohej fillimisht kufiri me Kosovën më pas me vendet e tjera.

E as nuk lindi në Nju Jork, ku Vuçiç njoftoi pas takimit me kryeministrin shqiptar se do të mblidhen më 9-10 tetor në Novi Sad për të firmosur marrëveshjen edhe me Maqedoninë e Veriut, pa praninë e Kosovës. Mirëpo, Prishtina zyrtare i bën të qartë Tiranës, se pa të nuk do të ketë Shengen rajonal.

”E them ekskluzivisht për ju që këto gjëra janë diskutuar në kuadër të Këshillit për Bashkëpunim Rajonal por unë them se nëse ndodh Mini-Shengeni, atëherë do të jenë të gjitha vendet, pa përjashtim. Edhe po deshi një vend të përjashtojë një vend tjetër, kjo nuk mund të ndodhë. Të jeni të sigurt”.

Në një intervistë për A2, ambasadori i Kosovës në Shqipëri, Sylë Ukshini, thotë se pas kësaj nisme të bashkësisë ndërkombëtare qëndron qëllimi për të ulur tensionet mes vendeve dhe për t’i parapërgatitur për në Union. Ideja fillestare e Kryeministrit Rama kishte një ftesë edhe për Malin e Zi por mesa duket është zëvendësuar rrugës me Serbinë.

Flash Lajme

Më të lexuarat