Yje të shumtë të Hollywoodit i janë bashkuar fushatës më të re në internet kundër racizmit. Kjo vjen pas vrasjes mizore që iu bë afro-amerikanit George Floyd nga disa policë , e që është cilësuar si rasti më i paprecedentë dhe diskriminues i viteve të fundit.

Këngëtaret shqiptare me famë botërore Rita Ora dhe Dua Lipa reaguan gjithashtu përmes rrjeteve sociale, duke kërkuar drejtësi për Floyd dhe gjithë njerëzit e tjerë që diskriminohen.

E një reagim publik e ka bërë edhe artistja tjetër shqiptare e njohur ndërkombëtarisht, Bebe Rexha, e cila përmes një postimi në rrjetet socilae ka shpërndarë peticionin online, ku po kërkohen nënshkrime për të kërkuar drejtësi për rastin në fjalë.

“Askush nuk duhet të ndihet i pasigurt në këtë vend. Askush nuk duhet të vritet për shkak të ngjyrës së lëkurës së tij. Ajo që ndodhi me George Floyd dhe shumë të tjerë është e papranueshme. Dërgo tekstin ‘FLOYD’ në 55156. Nënshkruaju peticionin. Kjo duhet të ndryshojë”, ka qenë thirrja e 30-vjeçares.

Kujtojmë që dje një ndër katër policët e përfshirë në arrestimin e George Floyd, i cili vdiq të hënën në Minesota, është arrestuar dhe është tani akuzuar për vrasje me paramendim të grades së tretë.

View this post on Instagram

Nobody should have to feel unsafe in this country. Nobody should be murdered because of the color of their skin. What happened to George Floyd and many other black men + women is unacceptable. My heart is heavy along with everyone else hurting. Text ‘FLOYD’ to 55156. Sign the petition. This must change. #JusticeForFloyd #blacklivesmatter

A post shared by Bebe Rexha (@beberexha) on


Flash Lajme

Më të lexuarat