Një lajm i bujshëm vjen nga Sllovenia. Endri Çekiçi talenti shqiptar që luan për Olimpijan e Ljubljanës ka përfunduar në radarët e Arsenalit. Lajmi bombastik është zbuluar nga media sllovene “nogomania.com”, e cila shkruan se “topçinjtë” e kanë ndjekur me vëmendje mesfushorin me tipare sulmuese gjatë kësaj periudhe dhe interesohen seriozisht për futbollistin.

23-vjeçari është një nga lojtarët më të spikatur të kampionatit slloven dhe të Olimpijas së Ljubljanës në dy sezonet e fundit teksa ka arritur të realizojë plot 15 gola në 30 ndeshje ndërsa këtë sezon ka regjistruar dhe 7 asiste dhe ka ndihmuar skuadrën e tij të kryesojë klasifikimin.

Çekiçi vlerësohet për goditjet mjeshtërore nga distance dhe për klasin e lartë që zotëron në pasime. Olimpija shpenzoi vetëm 200 mijë euro për ta blerë 23-vjeçarin nga Dinamo e Zagrebit në janar të 2019-ës, ndërkohë që tashmë synon të përfitojë rreth 2 milionë euro nga shitja e tij,  aq më tepër që interesimi i Arsenalit ja ka rritur vlerën kuqeziut që ende nuk ka debutuar me kombëtaren A të Shqipërisë.

Tags:Endri ÇekiçimesfushoriShqiptar

Flash Lajme

Më të lexuarat