Puna në distancë është bërë shpejt një realitet në rritje falë koronavirusit, por si i merrni të njëjtat mjete në shtëpi siç bëni në zyre?

Një pjesë e madhe e jetës së punës së shumë njerëzve varet nga Microsoft Word.

Edhe nëse nuk e përdorni për të shkruar dokumente, mund t’ju duhet që të hapni dokumente të tjera që ju dërgohen nga kolegë ose klientë, raporton “Metro”, transmeton lajmi.net.

Nëse jeni duke përdorur Windows 10, atëherë thjesht duhet të shkoni në dyqanin Microsoft dhe të kërkoni Word Mobile.

Përndryshe, thjesht shkarkojeni direkt duke klikuar në këtë lidhje. Word Mobile do t’ju lejojë të hapni dhe shikoni dokumente, nuk mund t’i përdorni për të krijuar ose modifikuar asgjë. Për këtë do të duhet të shkoni një hap më tej.

Nëse keni një lidhje në internet, mund të hyni në suitën e zyrës së Microsoft në cloud. Ashtu si Google Docs, Microsoft ka Office Online dhe për të hyrë në të, gjithçka që ju duhet të bëni është të regjistroheni për një llogari falas të Microsoft-it.

Ju mund të përdorni Word, Excel, PowerPoint, OneNote dhe Outlook pa asnjë kosto. Është e vërtetë që këto programe nuk kanë listën e plotë të veçorive që merrni me versionin e paguar, por nëse jeni vetëm një përdorues bazë, atëherë nuk duhet të ketë shumë rëndësi.

Përdorimi i Office Online sjell me vete disa përfitime, ai mban të gjithë formatimin e Microsoft Word dhe gjithashtu i bën dokumentet tuaja të arritshme kudo falë 5 GB hapësirës ruajtëse të cloud OneDrive që merrni me secilën llogari.

Nëse do të kaloni shumë kohë duke punuar nga shtëpia, atëherë krijimi i një llogarie Microsoft Office Online mund të jetë një kursimtar i madh i kohës.

Nëse dëshironi qasje të përkohshme të Microsoft Word falas, atëherë regjistrohuni dhe filloni ta përdorni.

Flash Lajme

Më të lexuarat

  • Week

  • Month

  • All